Татарстан июнь бәйрәмнәренә туристлар арасында иң популяр юнәлешләр унлыгына керде. Республика Россиянең барлык төбәкләре арасында җиденче урынны алды. Бу хакта «Татар-информ»га «Островок» сервисы экспертлары хәбәр итте.
Республика башкаласы Казанда кунакханәләрне броньлаулар саны узган елның шул ук чоры белән чагыштырганда 6 процентка арткан.
Июньнең озын ял көннәрендә Татарстанга ешрак баласыз парлар килә — аларның өлеше 49 процент тәшкил итә. Тагын 21 процент сәяхәтче балалары белән килә. 17 процент дуслар компанияләренә, ә 13 процент ялгыз туристларга туры килә.
Татарстанлылар арасында иң популяр эчке юнәлешләр – Санкт-Петербург, Мәскәү, Түбән Новгород, Геленджик һәм Сириус.
Чит ил юнәлешләре арасында топ-5 кә Абхазия, Белоруссия, Әрмәнстан, Үзбәкстан һәм Грузия кергән.
Сүз уңаеннан, хәзерге вакытта Татарстанда «Туристлык һәм кунакчыллык» илкүләм проекты проекты гамәлгә ашырыла.