ТР Гадәттән тыш хәлләр министрлыгы өй һәм биек бина түбәләреннән кар төшү куркынычы турында кисәтә.
Республика территориясендә кар яву һәм һава торышы җылыну сәбәпле, биналар һәм корылмалар түбәләреннән кар һәм боз төшүе күзәтелә.
Гадәттән тыш хәлләр министрлыгы татарстанлыларга урамда бик игътибарлы һәм сак булырга кирәклеген искә төшерә. Боз сөңгеләреннән ераграк торырга кирәк, шулай ук йортларның түбәләре астында торырга һәм биналар янында автомобильләрне калдырырга киңәш ителми.
Җирле хакимияткә, биналарның түбәләрен һәм йорт тирәләрен чистартуны оештырып, көчле кар яву нәтиҗәләрен оператив рәвештә бетерергә кирәк.
Сүз уңаеннан, хәзерге вакытта «Яшәү өчен инфраструктура» илкүләм проекты гамәлгә ашырыла.
