Казанда Зур Крыловка урамында транспорт өчен өстәмә 81 парковка урыны ачылган.
Бу турыда шәһәр мэриясенең матбугат хезмәте хәбәр итә.
Шәһәр Башкарма комитеты тиешле реестрга үзгәрешләр кертүдән соң, Казанда муниципаль парковка урыннарының гомуми саны 14 489 дан 14 570 кә җиткән.
Яңа парковка урыннары урамның җөп ягындагы юлда урнашкан. Парковка зонасы Поперечно-Базарная урамы белән кисешкән участоктан Коммунаров урамы белән кисешкән участокка кадәрге территорияне үз эченә ала. Монда бер сәгать парковка бәясе 30 сум тәшкил итә.
Билгеле булганча, «Яшәү өчен инфраструктура» илкүләм проекты гамәлгә ашырыла.
