Татарстан Республикасы Актаныш районы суды 23 яшьлек җирле кешегә карата хокукый карар чыгарды, ир-ат кабаттан исерек килеш руль артына утырган өчен мәҗбүри эшкә хөкем ителде.
Эш материаллары буенча, 2025 елның 8 ноябрендә ир-ат, исерек хәлдә, әтисе исемендәге «ВАЗ-111830» маркалы машина белән идарә иткән. М7 «Волга» автомобиль юлының 1147 км + 300 м ноктасында аны полиция хезмәткәрләре туктата. Алкогольнең булу-булмавын тикшерү нәтиҗәсендә факт расланган.
Җинаять эше барышында билгеләнгәнчә, әлеге зат руль артына исерек килеш утырган өчен электән дә административ җаваплылыкка тартылган булган. (Россия Федерациясе КоАП РФ 12.8 маддәсенең 1 өлеше буенча)
Суд Актаныш районы прокуратурасының позициясе белән килешеп, ир-атны Россия Җинаять кодексының 264.1 маддәсе 1 өлеше буенча гаепле дип таныды һәм аңа җәза итеп 240 сәгать мәҗбүри эшләр билгеләде, шулай ук 1 ел да 8 айга транспорт чараларын идарә итү хокукыннан мәхрүм итте.
Машина законлы хуҗасына кайтарылган.
Суд карары әлегә законлы көченә кермәгән.
Актаныш районы прокуратурасы
